今早去到茶餐廳，有做公務員的客人在座，老闆問佢，點解政府咁不近人情，復陽的公務員沒有病假，那位公務員話自己係初級公務員，沒有這方面資料，亦唔知道箇中原因。
老闆話，今次Omicron 來勢洶洶，雖然殺傷力不大，但傳播力強勁，高峰時每日有五萬人感染，現在亦接近三萬，但在年初，每日只得兩三百，政府批核公務員病假亦很容易，所以有不少公務員以確診攞病假，但好衰唔衰，那些曾經話確診的公務員，在Omicron 的威力下，短時間又確診，政府發覺唔對路，照理在康復之後，即使唔打針，一段時間有免疫力，唔會咁快再確診，為免傳媒追尋，要求復陽的公務員確診不能攞病假，要用自己的假期，公務員自己知自己事，所以沒有抗議聲音，初級公務員話老闆的想像力豐富，不過是想多了。
