今早去到茶餐廳，見到一個經常話要WFH的公務員食早餐，睇下佢嘅衣著就知道準備返工。老闆話林鄭已經公布公務員可以WFH，點解仲要返工，那位公務員話，部門主管問邊個同事申請WFH，竟然冇人回答，成個部門好似什麼事也沒有發生，當林鄭廢噏。至於工商界，根本冇人打算WFH，估計WFH不了了之。
很多人都不明白，稍為有幾單確診，仲未搞清來龍去脈，林鄭已經話WFH，原因是我們的高級醫護人員，有理冇理就話WFH，好似WFH是一條獨步單方，好似去睇醫生減肥，醫生話食少啲，做多啲運動就可以減肥，鬼唔知阿媽係女人。
其實，那些醫護人員根本不明白形勢。上一次WFH，即使去飲茶，茶樓有人確診都冇得追查，今次就唔同，WFH又在十一點走去飲茶，想唔入竹篙灣都唔得。不過，又不是沒有公務員WFH，那些參加生日派對的公務員，今日返屋企隔離，在家工作，唔可以出街，正正式式WFH，仲要用自己假期的WFH，真偉大。
