今早去到茶餐廳，有客人話老闆太嚴，除了幫襯客人一定要用安心出行之外，仲要打齊兩針，政府都唔需要公務員打針，到最近，政府睇了博士文章才要求進入政府大樓一定要掃安心出行，如果唔係博士話去到法庭，見到律師排隊填紙仔，都唔知道法庭可以不用安心出行。
老闆話，做生意唔能夠同政府比較，不少公務員是不服上司，不是香港政府，而是中央政府，正式是身在曹營心在漢，隨時去英國歸隊，所以，唔會與中央政府共同抗疫，就算香港爆疫，公務員又可以work from home ，人工照支，但如果茶餐廳爆疫，隨時要停業14日，如果發覺是茶餐廳防疫做得唔好，隨時拉人封舖，所以小心一些，寧願做少一些生意，希望客人見諒。
