今早去到茶餐廳，有客人呻大廈業主立案法團在去年無端端話電梯原廠保養太貴，轉換了一間雜牌嘜公司，當時業主立案法團內已經有人反對，但新選主席以及一些新業主投贊成票，隨後一年，電梯由新公司做保養，時停時行，又唔知要等幾耐才有人維修，最慘就是主席已經移民去了英國，今年再開會，決定將保養交回原廠，但原廠話有很多零件已經變了雜牌嘜，要換回原廠零件才肯保養，最後，保養費加了一大截，仲要俾幾十萬零件費，那些投贊成的人已經冇人去開會。
客人可能不知道，除非迫不得已，千祈唔好換電梯保養公司，否則就知錯，同樣情況，那些因美國加關稅而將生產線搬了去越南的廠家，今次大鑊了，原因是越南政府採取與病毒共存，200萬工人立刻離開工廠，返回鄉下生活，導致越南工人不夠，現在那些廠家要將生產線搬回中國，面對成本上漲，很難請到熟練工人的問題，不過都冇得好講，是廠家自己做決定。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
零件已經變了雜牌嘜，要換回原廠零件才肯保養，