今早8號風球，茶餐廳反而多了人，更加有不少外賣，做到水吧安哥踢哂腳，不過，安哥話已經預咗，每逢打風例旺，打工仔有一日有薪假期，心情都開朗一些。
現在台灣兵凶勢危，老闆問台灣人傾向移民去那一個國家，台灣客人話，大多數人會以為是五眼等國家，其實唔係，最多台灣人移民去的是星架坡，老闆話唔係，星架坡政府很喜歡公佈入籍星架坡的名人，國內有不少上市公司主席，甚至李連杰都俾星架坡政府搞到一身蟻，但唔見有公布台灣名人移民星架坡，台灣客人話，星架坡政府很識做，唔會公布台灣名人，尤其是領導人入籍星架坡，可能是美國的意見，但始終是厚此薄彼，現在，已經很少國內人移民星架坡，無謂惹禍上身，就算可以繼續在國內做生意，都會引來無數不方便。
