今早去到茶餐廳，有離開香港大約三年的客人話，餐牌價錢好似冇變，問老闆點解唔加價，老闆話，主觀客觀的標準還未形成，所以唔敢加價，主觀就是在疫情下，香港經濟並不理想，不少餐廳要減價生存，如果加價一定會俾人鬧，客觀就是茶餐廳人流唔夠，如果加價，可能會失去部份客人，得不償失，估計要通關一段時間之後才會加價，或
者要多兩年時間。
其實，樓價也是一樣，我睇過一個視頻，台灣人在波蘭華沙買樓，300萬台幣，可以買到華沙市中心250呎樓，大約港幣3300/呎，非常實用，有廳有房有廚房，物業代理話，樓價比幾年前回落不少，理由是不少波蘭人將華沙的單位賣走，搬去鄉間大屋居住，華沙人口減少，樓價亦下跌，所以，從人口升跌亦可以睇到一個地方樓價會不會下跌，本來，以這個思維，香港的樓價亦應該下跌，因為香港去年減少了9萬人，但香港有些少特別，就是離開的人都未必會賣樓，如果通關之後，我擔心人口會急速上升，樓價迫不得已要跟住上升，我並不是睇好樓市，但客觀因素如此，我亦冇辦法將樓價壓下去。
