今早一號風球，有大驟雨，冇去跑步，早些去到茶餐廳，有客人話今屆參賽港姐簡直恐怖，唔通ViuTV有Mirror ，TVB有Horror ，無線唔好叫班人獻世，老闆話這是無線策略，那些Horror 可能是媒，分分鐘有錢收，不是畀我們睇，而是畀一些心大心細的靚女睇，那些靚女自問一定大幅高質過現在的參賽者，如果唔參選就笨，結果是自己搵人做提名人，無線就得其所哉。
老闆講得十分有道理，不少買樓的人都試過，物業代理首先帶他們睇一些低層，方向唔好，又貴的單位，買家當然唔滿意，不過，物業代理一定話個客好彩，剛剛有層比較高，方向較好，又平多少的單位，因為業主移民急讓，不少買家會落搭，但如果他們堅持，會有一些高層，方向非常好，價錢不貴的單位出現，有一些住低層的老友話我知，他的單位很受歡迎，很多人睇樓，但我唔敢話畀佢知，他的單位只不過是一個反面的示範單位，又有冇人夠膽話畀昨日對住鏡頭騷手弄肢的參賽者知，她們只不過替無線吸引其他參賽者。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
笨，結果是自己搵人做提名人，無線就得其所哉。