我有一個朋友開花店，在母親節當日揀了一大扎最貴最靚的花送給阿媽，誰不知佢阿媽嬲咗幾日，於是問阿媽點解嬲，阿媽話賣得起價錢商品點解要自己用，朋友唔明白什麼是賣花姑娘插竹葉。
今早去到茶餐廳，有客人問老闆，點解印度是製藥大國，為各國製造疫苗，但點解新冠病毒在印度反彈，而只有2%印度人接種疫苗，唔通好似香港人一樣，凡是政府贊成的，市民一定反對。
老闆話，印度人除了甘地之外，是不大講政治，什麼印巴分治，孟加拉獨立，都是由外國替他們設計，印度人寧願去英國做勞工，今次只有2%印度人接種疫苗，心態就是賣花姑娘插竹葉，印度在生產疫苗角色只不過是代加工廠，賺取微薄代加工費，做一個月都唔夠俾錢打疫苗，所以寧願確診都唔打疫苗，況且確診後能夠康復的機會亦非常之高，但想唔到病毒變種，才搞到每日有超過40萬人確診咁大鑊，莫迪都會話這個世界有早知，冇乞兒，早知咁大鑊就強迫國民打疫苗，現在講什麼也沒有用。
