今早去到茶餐廳，有兩個同一路江湖人物在談判，一個大佬一個靚，做靚的有怨言，話大佬一向撐佢與同門兄弟爭拗，但現在收到風話大佬似乎褪軚，如果係真就大鑊，同門兄弟人強馬壯，大佬唔保，好快就冇。
做大佬的話，已經保了幾十年，亦無可能繼續保下去，況且，做靚的已經山窮水盡，很難再交保費，免費的事一定唔做，但這不是最重要原因，主要是因為做靚的同門兄弟現在非常強大，如果兵戎相見，恐怕兩敗俱傷，而且，那些都是別人家事，在適當時候褪軚亦不為過，大佬仲表示，他只不過學拜登，以美國這樣強大，都唔會為了台灣與中國硬拼，表明台海有戰爭美國都不會參與，所以亦不能怪他。
