近日有報道有早年賣了樓的夫婦，因為唔肯再買樓而最後搞到要離婚，有很多人不明白，點解落錯車的人唔肯上返車。
今早去到茶餐廳，有客人話睇我的文章很多年，當年他兩公婆也落錯車，睇到我話投資物業是別時容易見時難，的起心肝上返車，如果唔上返車，結果恐怕也是離婚。
賣了樓的人要很大決心才可以上返車，因為賣樓時公告天下，樓市會大冧，他們身體力行，亦賣了樓，同時會話，他們睇樓市很準，當日樓價低殘，他們認為樓市會上升，所以夠膽買樓，今日賣樓，樓市一定會大跌，由於有這個預測，那些賣了樓的人唔敢買返樓，因為在樓市上升中，買樓代表他們認輸，所以，那些人會話，樓市上升是暫時性，總有一日會大冧，所以，唔上返車的理由就是不肯認輸，認輸對某些人來說是很難接受，客人話好彩他肯認輸。
