做物業投資者有一個難處，就是當他們賣樓的時候，一定會被記者追問點解要賣樓，又或者在報道中暗示賣樓的投資者有財務問題，所以，不少投資者在賣樓時都希望低調處理，甚至要簽一個保密協議，其實簽嚟都多餘，一個買賣交易隨時都會有十幾人知道，根本不是秘密，又如何能夠保密。
今早去到茶餐廳，有客人話最近賣走了一個物業，有不俗利潤，但是他擔心有人問佢點解要賣樓，是財困抑或睇唔好樓市，我有一個標準答案，大前提是一定要有不俗利潤，我亦試過很多次以此作為答案，從來沒有被質疑，答案是我賺夠了，賺夠就賣樓，不是睇淡樓市，亦不是財困，如果陶冬在2012年賣樓時話賺夠，今日買樓就唔會被人將軍，客人話明白，不過，講賺夠會不會太寸，這個世界，如果唔寸人，就會被人寸。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
餘，