今早去到茶餐廳，老闆話推出新產品，買一送一，直至上午9點，9點過後，新產品其實賣得不多，但老闆話反應熱烈，決定延長至12點，茶餐廳內所有人都發出噓聲。
老闆請大家少安毋躁，佢只不過學英國佬的BNO走佬計劃，英國佬話反應熱烈，決定延長至5月17日，老闆話佢都知道，如果反應熱烈就不用延期，直接增加供應就最實際，好似賣樓一樣，如果地產商話優惠延期，代表賣得唔好，如果話加推，即是唔夠賣，所以地產商賣樓很多時都會逐少逐少賣，每次賣過滿堂紅，買了樓的人都開心。
英國佬今次的BNO走佬計劃其實是錯到不得了，幾百萬個配額一起推出，太多就變成唔值錢，應該先推一兩萬個配額，保證超額完成，對外可以說香港人急於逃離魔掌，然後話反應熱烈再加推，話比全世界知英國人是很有人情味，非常照顧昔日的大英子民，現在延期都冇用，反而畀人知道BNO走路計劃並不成功，自暴其短而已。
