很多人睇樓市升跌是用樓價標準，亦有人話成交量大，樓市上升的機會也大，我絕對同意他們講法，但我會睇成交樓宇質素預測樓市升跌，即使樓價好，成交量大，但成交樓宇質素也是頂級，我認為樓市會有危機。
今早去到茶餐廳，有客人話佢有一件質素很差的物業，但最近亦可以賣走，問我樓市以後走勢，他有冇賣錯，我話當然冇賣錯，從來只有樓宇在上升時才可以賣走最差的物業，估計樓市在未來一段時間是會持續上升，老闆話唔怪之得，咁多人講悲情樓市，但中原指數昨日仍然上升1.31%，創34個星期新高，唔知那些話樓市悲情的人有什麼解釋，其實有什麼好解釋，大家預測樓市都是估估下，唔好咁認真。
