主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 敢說亮話

瀏覽人次：25436 回應：28

茶餐廳亂話（931）是誰制裁台灣

2021年3月19日

湯文亮

紀惠集團行政總裁

　　有很多人認為，中國停止台灣鳳梨及其他生果進口，在某個程度上制裁台灣，我認為不是，不能進口主要是台灣生果不合規格，台灣應該自我反省，而事實上制裁台灣是另有其他國家。

　　今早去到茶餐廳，有做台灣生意客人話冇生意做，大家以為他是生果進口商，原來不是，客人是芯片仲介商，台積電芯片有不少由他賣俾國內，現在美國唔准台積電賣芯片比中國，美其名是制裁中國，其實是制裁台灣，制裁台積電，如果芯片不能夠賣比中國，台積電就冇錢開發更高級，更小型芯片，不用太久，台積電在芯片龍頭位置就會比其他國家，甚至美國取代，嚴格來說，台積電今次是受到毀滅性制裁，不過台灣人仲烏ss，以為中國冇台積電芯片一定死梗，中國的確有困難，不過，或者變成中國發展芯片的契機。

上一則：

茶餐廳亂話（930）政府應該對謠言作出反駁

下一則：

茶餐廳亂話（932）中美火併，全世界都唔敢出聲

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. King 2021-03-19 09:31:43

以前硬食有蟲菠蘿其實喺買芯片搭嘅豬頭骨，宜家咪好囉，唔使嘥錢買啲無謂嘢。

2. 引刀一快 2021-03-19 09:48:15

快快買大灣區，再係咁升，就快制裁香港人，唔俾買一二線。

3. Carson 2021-03-19 10:27:59

博士，台積電始終有蘋果呢個大客仔，死唔去嘅。而且佢仲係唯一一間做到7nm或以下mobile晶片而又支持到蘋果咁大嘅訂單嘅生產商，連三星都唔夠佢嚟。當然，佢哋而家最大問題係缺水。

5. 向泛民说不 2021-03-19 10:51:28

carson, 大家都用同样的设备，为什么台积电做到，三星却不行？其实原因是三星有不同的产品，而台湾举国之力发展芯片制造。所以芯片还是看有多少人才，而台湾也只能做芯片，其他的就做不到。

反观大陆，如果有设备，肯定可以很快的追上。因为中国每年有400多万的工科毕业生。现在大陆要做的是怎样能够利用这400多万的工科生，来搞科技突破了。

还有昨天一则新闻，中芯高開２％，夥深圳重投近２４億美元拓集成電路，虽然深圳地产贵，但是深圳还是提供了土地和资金给中芯，结果是深圳房价会升，但是市民不会投诉，因为人工高，就像美国的silicon valley，房价也很贵，但是有没有那么多怨言呢？

其实香港的真正问题是没有产业。年轻人没有出路。而不是房价高。

6. 十一哥 2021-03-19 11:14:06

去到14納米已經滿足到絶大部分手機用途、3-5-7納米除咗炫耀式手機~必要性~唔係冇就唔得、阿爺衹係贏家心態..冇必要反枱散咗個賭局、不慍不火…蹓到就傾.…咁先攪到人地索氣。

講真唔係冇唉風唔得、冇咗老表關照…乜風都C、老表產能可以轉去做土炮…自己用唔哂…咪倒出街頂到三叔唉風冇碇企。

7. 台積電始終有蘋果呢個大客仔 2021-03-19 11:35:37

蘋果都要睇住阿爺哩個大客仔。

8. Stephen Wong 2021-03-19 12:13:21

好多某類型鋪頭有台灣鳯梨出賣，價錢唔平，有啲後生仔幫襯。

唔明，點解可以入口香港，咩部門放行，木宰羊。

9. 點解可以入口香港 2021-03-19 13:01:29

鄉講冇農作物, 你試吓袋兩個檸檬或者拎飛機食早餐支蜜糖入紐西蘭。

12. 大鄉里 2021-03-19 17:39:39

買部靚手機，緊會用番两三年才換機，質量又唔可以太化學，即係未來出機量未必咁直缐增長。

３，５，７纳米工藝，未必值得舉國之力去泵錢，華為養住豬先都係辦法，

話唔定彎道超車，或者全球衰退，賣唔到價，鱼翅鬥粉絲，晶片多到填海，連工藝和架餐都出賣。

13. 引刀一快 2021-03-19 17:53:52

香港就係放鬆病蟲害檢疫，先至咁多大陸人中意嚟，食各種水果。

14. Hongkong People 2021-03-19 19:50:20

刀兄，

已制裁緊啦！最新國內銀行指示，香港滙錢入國内同名銀行，款項只可用作綫上消費，不可交樓款，供樓，轉賬及提取現金！

中國當外國熱錢係洪水猛獸，要嚴厲堵截熱錢進入中國投資樓房！

買國內樓，如在国內冇足現金只有地下錢庄一途，但風險不少，隨時被凍結！

15. Hongkong People 2021-03-19 20:02:24

刀兄，

你堅係大陸生活？我返咗中山半年，發覺大陸大鬼把生果，有錢的話，入口最頂級嘅生果都有得你食；國內嘅農業技術大爆發，大把國產靚生果，例如士多啤梨，藍莓，車厘子，Figs, Apricots, 枇杷之類，食到你唔食，價格雖然未必平，但絕對高質，仲無需擔心外國入口嘅新冠病毒！

16. Hongkong People 2021-03-19 20:24:51

刀兄，

BTW, 呢排我係Facebook追開一個blog，一對港人夫婦退休係中山，個blog 最主要分享佢哋係中山飲飲食食，日常生活，好真實嘅國內生活，有助讀者了解國内物價，生活上各項offering, 絕對有啟發性！

有興趣就睇下啦！可click以下條link:

https://www.facebook.com/LeisureTravelingGeek/

17. Hongkong People 2021-03-19 20:28:36

https://www.facebook.com/LeisureTravelingGeek/

18. 元朗灣區人 2021-03-19 22:27:11

hk people，

唔驶返工，就是任性！！有冇出過省？

19. 引刀一快 2021-03-19 23:26:11

Hong Kong people女士

地產網老規矩，唔俾直線聯繫，你俾啲key words我會揾到嚟睇。

匯錢折現都唔係冇辦法，依家係麻煩好多，其實最好就係自己有朋友喺大陸想匯錢出嚟，當然，必須熟稔兼可靠。地下錢莊嘅風險唔止係凍結，最怕惹官非。我有個朋友匯錢入去，香港呢邊過咗數，上面一過數，連隨就凍結，因為出數賬戶涉嫌刻淺。

至於大陸水果，最緊要識揀，四個半一斤沃柑，可以好食過茂谷柑，杏就新疆小紅比較靚，可惜期短，要等多半年。

無花果我就認為土耳其嘅靚過新疆，草莓近年的確好多新種良種，質量幾好。

呢排梅州沙田柚水尾，清甜冇夾雜丁點泰國柚味道，4蚊兩個。

我剛剛去四川一排，靜修冇開手機，吸收下山川靈氣，另一個靈氣重嘅地方係江西三清山，推薦你行下

20. Hongkong People 2021-03-20 00:02:46

刀兄，

search 香港人在中山，公開網誌，並非群組

21. Hongkong People 2021-03-20 00:08:26

元兄，

我好感恩，仲未出過省，等緊打疫苗同埋收咗樓，搞緊裝修 😅😅

22. Hongkong People 2021-03-20 00:13:32

刀兄，

去四川青城山？三清山我去過啦，好靚，我覺得比黃山更靚😁😁

BTW, 你可能唔知，原來中山有出Figs, 樹上熟，好香奶味，我都食過其他省嘅出品，可能唔係樹上熟，真係差少少

23. Hongkong People 2021-03-20 00:16:55

刀兄，

而家D朋友多數想換人民幣多D，驚港紙隨美金貶值，所以想人唱錢，仲要咁大筆，真係唔容易

24. 向饭民说不 2021-03-20 12:09:55

引刀，大陸對東南亞水果基本上已經0關稅，所以唔會貴過香港啦。還有大陸其實也是一個水果生產大囯。至於質量問題，在東南亞水果的競爭下，中國水果不提高水平，肯定沒有競爭力。會賣不出去。

之前臺灣水果有大陸因政治理由放行，以後難好多啦。還有臺灣的農產品學了日本的那套，政府加中間商都是大菜蟲。農民肯定沒有好日子過。中國政府的政府部分的作用就像美帝那樣補貼農民。而臺灣和日本是剝削農民。所以臺灣水果肯定沒有多少競爭力。日本農產品表面很好，因爲賣的貴，質量好，但是因爲太貴，所以市場其實非常小。日本還要從中國進口大米。還有也很奇怪，韓國也要向中國進口大量泡菜。

25. 向饭民说不 2021-03-20 12:42:20

有好多黃能日日抹黑大陸產品的質量問題，其實以紅酒爲例。大陸其實也生產紅酒，而且出面的評價也不差，但是在國内就賣不起來？

消費者上帝，你今次比質量差的產品，下次就無人買，大陸的進口產品關稅低，肯定會拉起質量。

當然如果消費者，貪平，買一下來路不明的產品，當然質量會有問題。

就比如去平多多買，肯定便宜，但是90%質量有問題。

26. 引刀一快 2021-03-22 17:08:09

Hong Kongpeople 女士

可能香港人想換人仔，但係係境外人仔，想入錢上去，一般都係買樓多。下次去開銀行我會問問港紙大鈔帶上去兌換有冇限制。

無花果一熟就好易爛，不利運輸，當然係原地樹上熟好，不過廣東日夜溫差細，醣少。

我十幾年前喺三清山做過嘢，果度的確係靈氣逼人，所有生物生命力都好強，古人的確有智慧，道教選定嘅地方真係有原因，得閒去住下好有益。

27. Hongkong People 2021-03-23 10:59:12

刀兄，

我試過係三清山山上住過一晚，嗰時住宿條件麻麻，濕度好高，被舖都好濕，唔太好住，半山腰D酒店都ok, 不過，生活選擇少D！反而庐山山上牯嶺鎮唔錯，有D規模，配套好好多，真係可以住長D，但靈氣相較三清山就差少少。

28. Hongkong People 2021-03-23 11:02:25

刀兄，

如我冇記錯，携港紙入國内都有限制，每人最多每日HKD20,000.

29. 引刀一快 2021-03-24 03:16:35

Hong Kong people女士

住三清山唔使住上面，住山腳得架喇，有需要入上饒市買嘢好快，廿零公里。果度申請咗世界自然遺產，附近方圓幾里環境都好好，上山有三條索道，當年我第一次坐索道上去，遇上極端惡劣天氣，望見頂峰氣勢，感覺從地府望向天庭，永志難忘。

30. Hongkong People 2021-03-24 12:30:02

當年我跟哥哥駕車上半山腰，山路蜿蜒，茶園梯田井然有序，每轉一彎就是一景，的確讓人心曠神宜！

31. 引刀一快 2021-03-25 17:35:09

Hong Kongpeople 女士

有冇順道去埋婺源？當年我做嘢嘅時候，碰巧副總理吳儀去婺源遊覽經過，好大陣仗。