有很多人追數要搵追數公司，收費都幾貴，大約是欠款三成，但如果欠債的人有多少新聞價值，其實，追數是不用俾錢。
今早去到茶餐廳，有客人問老闆識唔識一個名人，知道他成日到茶餐廳飲咖啡，如果認識，請老闆幫幫口，因為那位名人欠了他一筆數，可能貴人事忙，冇時間處理，老闆話未替過人追數，恐怕弄巧反拙，如果客人唔好意思去追，不如搵記者代勞，相信他們是非常樂意，近日娛樂圈新聞，都有關於追債，報道仲好詳細，客人話這也是一個辦法，不過他並沒有欠單，口講無憑，當日大家一起投資，那位名人賺了錢没有分俾佢，老闆問客人，究竟有冇出過錢，客人話當時他的錢暫未到位，唔算冇出過錢，老闆話，咁嘅情況，追數公司，記者都唔會替客人追數。
