在英國未實施香港人可以用BNO護照移居英國之前，很多人都話去攞BNO護照，他們未必會移居英國，只是出自一種炫耀心態，但BNO護照計劃實施之後，不但去攞BNO護照的人不多，連講的人也少了很多。
今早去到茶餐廳，有父子兩人食早餐，老豆知道個仔去攞BNO護照，千叮萬囑話唔好同其他人講，因為即是話俾其他人知會離開香港，疫情之後，生意難做，不少公司準備裁員，但手心係肉手背又係肉，老闆都唔知要炒邊個，如果知道伙計攞BNO，即是打算離開香港，叫佢離職亦是順理成章，老豆最後話，可以唔攞就最好唔攞，就算攞咗都唔好對同事講，無謂被人篤背脊，人不為己，天誅地滅，個仔話明白。
