今早去到茶餐廳，有客人話有咁多人用BNO移民，有評論員話樓價會大跌，報紙亦以悲情來形容樓市，而事實勝於雄辯，中原指數連跌了兩個星期，我有什麼辦法令樓市不會下跌。
老闆話樓市下跌好似天要下雨，娘要嫁人，就算係博士都冇辦法阻止，其實又不是沒有辦法，根據大數據分析，在過去一年，香港受到疫情所累，各行各業都受到不同程度損失，唯獨是住宅樓只是輕微下跌，所以，要住宅樓不跌是很容易，只要大家唔好抗疫，就唔會下跌，客人話我打橫嚟講，我話那些不斷重複講悲情樓市，又話樓價下跌三四成的人才是打橫嚟講，樓市在疫市不跌，點解會在疫情過後，經濟環境在復甦時下跌，單以BNO移民計劃話樓市下跌，叻過毛澤東以半部論語治天下，客人話放長雙眼，老闆話，茶餐廳亂話，唔使咁嚴重。
