今午去到茶餐廳，有客人話在市場上唔見到我賣樓，佢問一位評論員，答案是我們的物業質素很差，冇人買，所以在市場上見唔到我們賣樓，我話那位評論員真係好心機，我們有幾多物業連我自己都搞唔清楚，只知道差不多全部租出，佢又點知我們的物業質素很差，不過，市場上的確有評論員喜歡評論其他人所買的物業。
我阿媽冇乜嘢教我，只是兩句話，千祈唔好評論別人老婆，任由那人怎樣講都唔好加把口話佢老婆，當他們和好如初你就當殃，另外唔好教人教仔，否則，自己個仔有乜行差踏錯，就會被人笑到失魂，這令到想起美麗的風景線，現在我加多項，千祈唔好評論別人已買入的物業，唔識的就會被人話多事，相識你老友都會反目，指桑罵槐，客人立刻收聲。
