今早去到茶餐廳，老闆問是否我認識劉健威。有一件事佢明白，劉健威上星期在信報撰文話在他住的地方附近，有一間食肆開完又閂，兩年內開開閂閂幾次，參與
的人都損失了不少。文章講及，飲食業的確很難做，不過，入場門檻不高，有錢便可以。劉生言下之意，是否叫黃色經濟圈的人唔好搞飲食，很容易蝕大本。不過，他自己唔好意思直接表達出來，所以寫一篇文章提醒各位黃色經濟學家。
我沒有資格猜測劉健威的意思，不過，威哥亦是行內人，而且做得很成功，他絕對有資格講。做飲食要有三大訴求，缺一不可，三大訴求分別是有錢，識食，識管理。雖然話冇錢不可，但有錢只不過是蝕得起，識得食，識得管理其實是最重要。威哥做得成功主要是他不但識食，仲識得管理。不少黃色經濟圈的朋友搞飲食都是即興，開了業才去學冲奶茶整餅。如果這樣也可以成功，代表這個市場很大，沒有競爭對手。其實，做飲食與搞上市差不多。五間公司搞上市，只有一間有資格遞表入港交所，五間已遞交表格的公司，只有一間可以上市。
有飲食行內人同我講，100間未有經驗的新食肆，兩年內會淘汰一半以上。五年後，最多只剩20%。所以，做飲食要有犧牲準備。否則，面對困難千祈唔好話受到迫害。
