今早去到茶餐廳，聽到有人問老闆點睇農場餐廳再起風雲。老闆話再起是事實，是否能夠再起風雲就要時間來證明。至於點解會再起，就是經營者太了解形勢。當他認為有得做，愈開得多除了賺得更多之外，還可以降低固定成本，於是開唔切，一間未開張已經準備下一間。當形勢逆轉，經營者便會覺得多一間蝕一間，於是閂唔切，一來一回，就唔知道輸了幾多次。用自己錢還好些少，如果是借錢開店，最後就欠落一身債。
老闆講得冇錯，做生意最忌開又開唔切，閂又閂唔切。好似在疫情之下，有人話開口罩廠好過賭，不過，又有幾多人可以在疫情開始前已經開口罩廠，知道的時候都開唔切。不過，仍然有不少人繼續開，而疫情亦開始緩和，口罩需求量亦會減少，供應大過需求很多，到時候，真係閂到閂唔切。雖然這是做生意的大忌，不過不少人不相信，現在開口罩廠的人會話執輸行頭慘過敗家，將來口罩供過於求，趕住執笠的人又會話契弟走得摩。什麼開又開唔切，閂又閂唔切，順口溜而已。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
他認為有得做，愈開得多除了賺得更多之