今早去到茶餐廳。老闆話昨日睇信報，竟然有兩位食家，其中一位是唯靈講焗豬扒飯，佢今日打算做，問我有什麼意見，以及最好的焗豬扒飯是哪間餐廳。
我小時候，每當測驗考試完畢，就會去佛笑樓食一個大型焗豬扒飯。豬扒以及醬汁都沒有加大分量，不過炒飯就雙倍，而最好焗豬扒飯要從焗飯的器皿開始，一定要用很cheap的生鐵焗盅，貪其傳熱快。上枱時要原盅上，千祈唔好將汁醬與炒飯攪亂。試問一碟豆腐火腩飯，如果將飯同料攪亂，我相信唔係幾好食。現在一般的焗豬扒飯汁醬太多，攪亂更加唔好食。
至於豬扒，一定要用帶骨的，因為近骨的肉最有味。我小時候並不是叫焗豬扒飯，而是叫焗骨飯。至於醬汁就各施各法，最主要最夠熱，一熱遮三醜。不過，我今日唔得閒去試食，明日才去，老闆話先要去買生鐵焗盅。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
扒飯是哪間餐廳。