今早去到茶餐廳，老闆大娘攞住昨日星島日報以及今日經濟日報，問點解在買樓抑或買匯豐。我畀人攻擊的情況下，星島日報社長與曾智華等都撐我。其實，不只他們，有不少著名評論員亦發文撐我，唯獨是TVB東張西望，主持問我點對得住那對冇買樓。買匯豐的夫婦，睇到老闆大娘火滾。其實，又沒有受害者，點解主持要咁問。
大娘可能不明白，自從8.31之後，這些事就無日無之，千祈唔好太認真。過多幾日，連他們自己都不記
得。不過，今次事件是兩年前一篇Facebook 文章所引發，做評論員就要小心，大家都唔記得在這兩三年寫過乜嘢。如果對我的指控成立，難保有一日有人突然出現話根據他們的評論而買了某隻現在下跌了80%股票而要求賠償，都唔知點算。所以，所有出文評論員都話各人投資，各人自己負責，倘若賺錢又唔會分畀人，有不少評論員私下同我講，好彩冇真正受害人，否則真係有對夫婦出嚟要求我賠償，即使明知告唔入，但都會畀人一個錯覺，要求賠償的事就會無日無之。所以，一定要發文話投資的事要投資者自己負責。老實說，以後任何評論員出文，叫人買樓或者買什麼股票，最後都會加一句請投資者自己考慮，投資的事贏輸都是自己負責。至於那對夫婦是否真的存在，信就有，不信就冇。
