茶餐廳亂話（666）虛構人物出現

　　今日清明節，一早趁人少的時候去跑馬地墳場拜祭阿媽，之後當然去茶餐廳，老闆在門口話有人等我，不過，我應該唔係好想見他們，如果我唔想就唔好入去，就是傳說中聽我講買匯豐沒有買樓的夫婦，我話唔緊要，如果係禍，躲也躲不開，不如積極面對。

　　見面之後，那對夫婦叫我唔好將件事放在心上，當日他們的確將打算買樓的1000萬買了匯豐，不過到了個多月前，他們沽了匯豐買了樓，輸了200萬，而他們所買的住宅單位與以前的一樣，雖然中原指數差不多，但樓價確實比當時平了10%，也是慳了200萬，最重要的是當時打算買的單位是在3樓，現在的是30幾樓，所以，當日聽我的意見在金錢上並沒有損失，但樓宇質素就高了很多，所以，專程到來叫我唔好介懷，我話我沒有，不過，近日太多聲音，而且是有心人裝無心人，兩年前的舊事都畀人挖出來，所以，我作晚花了一些時候回覆那些問我買樓意見的人，表示以後都唔會畀意見，市場上各項投資升升跌跌，贏左就冇人講多謝，就算唔輸都話好彩冇聽我講，所以，傳媒問我那對夫婦現在怎樣，權宜之計唯有話虛構人物，否則都唔知點甩身，最後，我要多謝那對夫婦專程到來講出實況，否則，我的確會為這件事耿耿於懷。