主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 敢說亮話

瀏覽人次：22783 回應：27

茶餐廳亂話（656）早走早著，遲走瞓唔著

2020年3月17日

湯文亮

紀惠集團行政總裁

　　今早去到茶餐廳，有熟客話請哂在坐全部人食早餐，祝賀佢昨晚成功逃亡回港，不過過程亦相當驚險，成個機倉好似醫院dirty room，不少乘客唔飲水，唔食嘢，唔去廁所，當然連計都唔傾，不少回港人士話會自我隔離14天，就算要出街見人，或者參加聚會，都會自制行程表，列明見過什麼人，可以的話影幅相，以便確診時可以追尋，並且即時要求全茶餐廳工作人員及食客影一幅相，老實說，我唔係幾想，因為剛跑完步，樣衰衰，不過又唔好意思托手踭，影完相之後熟客他並不是擔心疫情，亦不是擔心生活必需品供應不足，而是擔心排華，所以，早走早著，唔走一定瞓唔著。

上一則：

茶餐廳亂話（655）決戰在五月天

下一則：

茶餐廳亂話（657）在香港與外國戴口罩的分別

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

1. 福地 2020-03-17 11:00:12

香港今日仍然係福地，珍惜珍惜。多謝湯博士嘅文章。

2. 丁米一條腸 2020-03-17 12:40:14

如果後生一輩聽過老師教過咩叫排華, 知道中國人係點樣由苦難中走出來既, 可能吾會咁睇低自己民族。

3. 真真薯片 2020-03-17 13:44:47

全球排華全面啟動，真係邊度都唔洗去

4. 幽默 2020-03-17 13:55:11

「因為剛跑完步，樣衰衰，不過又唔好意思托手踭⋯」，博士果然幽默，多謝晒博士嘅分享。

5. 路人B 2020-03-17 14:08:54

食薯片多人都愚蠢D !

6. 引刀一快 2020-03-17 18:22:29

真真薯片兄

依家似係華排全球多啲。

7. The Great Nature demonstrates its POWER 2020-03-17 18:49:13

A total failure of science.

COVID-19 perfectly shows the incompetence of modern SCIENCE.

The unknown Great Nature overwhelmingly outweighs the bounds of human knowledge.

8. 真真薯片 2020-03-17 21:10:19

其實，德國麻疹，日本腦炎，西班牙流感，有人怪德國，日本，西班牙嗎？

越驚越介意，越係比人覺得心裡有鬼

9. 元朗真香港人 2020-03-17 23:31:27

連續劇未完…

咁快講結局？

西方本質就是强盜，文明就係將強盗正義化。

西方兒童故事…海盗的職業是維持正義。對

！！！打劫是正義使者。

華僑…小心！

10. 儒來 2020-03-18 00:17:11

福布斯剛公布，香港防疫很成功，似乎言之尚早，但首要是香港人自我防疫之意識高漲，另外大家忽略很重要一點，就是醫護之團諫令正苦不情願的封了高鐵，羅湖，皇崗口岸，大大減低疫情之輸入。

香港人是看到的，香港是福地冇錯，但之前有冇人具體説明如何是福地？

就讓小弟解釋一下，非常簡單，就是香港人的質數，各司其職，不怨天尤人，逆來順受，只有以德報怨，今次大疫及去年社運正正顯示港人之團結。能夠凝聚人才，默默耕耘，瘦田變肥田，爛地也變福地啦。

11. 儒來 2020-03-18 00:32:25

有少部分人經常以香港與星加坡，深圳上海作比較，刻意矮化香港人，實在冇必要，一國兩制下之香港自有獨特之優勢，小平同志生前意願是在國內制造十多個香港，結果全中國只有一個香港，自己睇不起香港，人家便更睇不起你，無必要妄自菲薄，也不必要太亢奮，中庸之道，細水長流。

12. 十一哥 2020-03-18 10:17:02

人冇自信…表現就係酸、香港獨特在開放…所心以好殘酷…物競天擇、正苦責任要照顧弱勢基層免於生活壓力…尤其住屋、97之後庸官害港…種下毒果。

再太多感性虛擬鼓勵…見老表富貴成怨恨。

13. 引刀一快 2020-03-18 11:19:06

一日到黑話人唔抵得老表，你煩唔煩呀？簡單分析，十一仔自己潛意識唔抵得老表，就日日話人唔抵得，無他，用心理暗示平復自己嘅妒忌啫。話人唔抵得，即係自己好抵得？十八廿二思維。

證據？好簡單，不分張三李四，個個都俾你話唔抵得老表。咁即係，最“需要”唔抵得老表嘅，咪就係你自己囉。

14. 元朗真香港人 2020-03-18 12:48:48

樓上儒來，

講反話？

定係

暴徒和警察團結？

汽油彈的逆来顺受？

15. 十郎 2020-03-18 17:21:21

呢條世界號郵輪，可以走去邊度？

16. 儒來 2020-03-18 18:48:48

樓上元朗香港人，大家好！

您提出的問題，過去大半年已在此討論區傾到口爛，甚至口角，小弟也不用多說，睇睇警監會梁定邦怎麼說吧!

17. 元朗真香港人 2020-03-18 19:07:54

我係話你所講和現實不符：

社會是分裂，暴動的！

至於你支持/反對黑暴，那當然是没乜好討論。

18. 儒來 2020-03-19 10:26:14

元朗真香港人，

您向小弟發問，我如實告訴你我之想法，不存在討論與否，您得到的回复可能不合你意，但現實是小弟巳支持正苦之恆常制度，由監警會匯報調查結果，這個想法也不能滿足您嗎？

19. 引刀一快 2020-03-20 05:30:25

儒來兄

唔明，點解要元真滿意？任何人都冇責任冇必要去滿足其他論友。

20. 元朗真香港人 2020-03-20 08:26:48

儒來兄，

我説的是香港不是 “團結，逆來順受！”

香港已是反智社會，欖炒將成。一個以政治理念為先的社會，百分白不是福地。

21. 點解要元真滿意？ 2020-03-20 08:40:47

好簡單，因為儒家人一方面話帝力與我何干，另一方面又要黐埋個帝度，仲哩埋廁所睇大紀元，禾欲來仔細觀察得出嚟嘅結論。

22. 儒來 2020-03-20 09:45:03

引刀兄，

很高興大疫之下，兄仍能暢遊大灣區兼且嚐到各種美食，小弟見兄之行文仔細描述，真恨不得飛快上華南各市慢慢細嘗我國地道美吃。

至於元朗真香港人，或任何人，小弟一律來之不拒，儘己之能好好闡述給對方關於小弟看法，這是小弟的宗旨，不存在責任問題。

23. 引刀一快 2020-03-20 12:01:03

儒來兄

廣州食肆逐步重開，前幾日去食久違了的順德魚生，兩個人食條六斤幾星鱸，餓太耐喇。

香港只要一開關，兄台早早上嚟揾食，事關呢個瘟疫，好多各種各樣養殖戶積存大量貨，依家海陸空都大把筍嘢，一於唔好執輸。

24. 儒來 2020-03-20 12:10:00

引刀兄，

到時必會到訪表妹，她是廣州通，小弟必大快朵頤。

25. 儒來 2020-03-20 12:16:06

港人，國人近幾個月也餓太久了，股票，飲食，樓房現價巳見底，春江鴨將會奮勇逆流而上，小弟雖心如止水久矣，但仍希望為大眾打打氣。

26. 儒來 2020-03-20 14:50:16

引刀兄，

星鱸是海魚吧？小弟第一次聽，起骨去腸相信仍有肉斤半，兩人吃似乎真的餓太久，以兄之勇氣見識，實不必要忍這麼久。

27. 引刀一快 2020-03-20 16:19:26

儒來兄

非也，廣州食肆大部分都一直關門歇業，除非外賣業務比例大者，魚生冇外賣，主打魚生嘅鋪頭，依家仲有好多未重開。

六斤幾魚可以起兩斤幾肉，星鱸又叫百花鱸，同海鱸體型相似，外來入侵物種，早年養殖戶走失，已經本地野外繁殖多年，做魚生口感味道同海鱸亦大同小異，海鱸賣嗮就食佢。起肉成數同師傅手藝習慣有關，我一個人都經常食一條四斤幾，魚骨滾粥家父摯愛，或者炆苦瓜，或者椒鹽打包俾外省看更食，餓魚生好辛苦，日式魚生頂唔到癮。