我早上跑步時，很多時都會遇上一家或者幾家野豬在搵野餐人士留下的食物。我亦聽過有小朋友問長輩點解冇人捉了那些豬去食，長輩會話那些野豬唔食得，好污糟㗎。小朋友又會問，點解去食飯時你又會叫野味，大人當堂語塞。其實，小朋友唔知道，這是做生意的一種手法。野味不但賣貴很多，而且所謂野味，是不是野味真的是很難稽考，但價錢就貴幾倍。賣海鮮一樣，並不是很多人可以食得出海魚與養魚分別，但收費就貴很多，因為海魚也是野味。
野味簡單可以分幾個類別：天上的、海裡的、地上的、地下的。天上的與海裡的大多數可以食，不過天上的冇肉，只得棚骨，除非變了家禽，海裡的是最冇問題，部分生食也可以，不過唔好食內臟。地上可以食的都已經變了家畜，地下的絕對不可以食。不過最好唔好食野味，除了價錢昂貴之外，又唔環保。更何況現在養殖業發達，養殖質素比野生更佳，又何必要食野味。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
的冇肉，只得棚骨，除非變了