茶餐廳老闆話長年幫襯，今日中午佢請客，除了一些過年餸之外，餐牌內的食物任點任食，全部免費。我今晚屋企有飯食，唔敢中午食大餐，打算到一到茶餐廳，飲杯咖啡就鬆人。去到茶餐廳，話題自不然是武漢肺炎，口罩相當缺貨。老闆叫大家不用擔心，他早已入足存貨，到來幫襯的客人，每人可以攞走一個，熟客隨時可以攞。老闆咁細心大方，應該去做官。澳門人可以用成本價買口罩，香港人仲要捱貴貨，而且隨時貴夾劣，但香港官員好似冇反應，樣樣慢幾拍，想幫都幫唔落。不過這樣也有好處，大家唔好倚賴政府，要做就自己去做，或者自求多福。明天起有4日長期，大家唔好去親戚屋企拜年，用電話或者WhatsApp 等就可以。這幾日長假最好自我隔離，希望初五返工當日，一切都回復正常。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
口罩相當缺貨。老闆叫大家不用擔心，