今早去到茶餐廳，老闆話今晚在屋企請食飯，由老闆大娘揸莊，問我有冇興趣。我話有得食，當然有興趣。老闆大娘問大約有幾多人，老闆話唔知，因為有很多人尚未回覆。這是香港人的壞習慣，不到最後一刻都唔會回覆，有一些重索性唔覆。所以，暫時未知幾多人，大約由十幾個到幾十個，老闆大娘媽媽聲話人數是很重要。除了要備料之外，人多要整一些可以一早預備好的餸菜，例如燉、炆、焗，人少可以做一些快炒以及蒸煮的餸菜。老闆見大娘發火，不敢怠慢，立刻What’s App 俾老友。
元旦日遊行，主辦機構話警方腰斬遊行，但給予解散的時間不夠，103萬人，30分鐘絕對不足夠。警方話只得6萬人，有1/4尚未出發，時間夠有餘。所以，一個真實數字是絕對重要。警方既然批准遊行，政府點解唔花些少錢，搵顧問公司計算一個真正人數。以現時科技，可以說是易如反掌。有了真正人數，警方亦知道，要解散過百萬人遊行，冇兩小時都做唔到，30分鐘的確唔夠。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
唔會回覆，有一些重索性唔覆。所以，