今日大除夕，早上跑完步去到茶餐廳。記得老闆幾個月前話聽覺不好，有熟客介紹去睇一個醫生，熟客仲讚到那個醫生天上有，地下無，幾個月之後就不用戴耳機。我的聽覺亦不好，打算問老闆睇完醫生之後進展如何，如果可以醫好，我亦會去睇那位醫生。
老闆話，第一日去睇醫生的時候，醫生已經表示進展會很緩慢，叫老闆要有耐性。如此這般，老闆每個星期都去睇醫生，睇了三個月，仍然沒有進展，但老闆亦早已有心理準備。直至有一次，當他睇醫生的時候，醫生問佢貴姓，老闆不動聲色，睇完那一次醫生之後沒有再去。老闆話，睇了三個月仍然問我貴姓，又點會了解病情，可以醫好病人，叫人怎樣相信他。我沒有繼續問，因為我都唔會去睇那位醫生。
其實，茶餐廳內有很多熟客都是因為老闆或者其他伙記認得他們，一句照舊，早午餐跟咖啡，茶或者鴛鴦，絕對不會搞錯。如果唔係，茶餐廳的生意一定沒有現在咁好。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
話聽覺不