今早天氣清涼，非常適合跑步，之後去到茶餐廳。見到老闆大娘，佢話我「見多識講」，有事相問。咁大頂高帽，一定要必恭必敬話盡我所能回答。老闆大娘問，區議員是什麼，重唔重要？老實說，區議員是什麼，我的確唔知，但一定很重要，否則就唔會咁多人爭。但係怎樣同老闆大娘解釋呢？這時候我望到茶餐廳裡面關公像，二哥給我靈感。於是話，當然重要，關公也曾做過區議員。老闆聽到，立刻話我大話西遊，千祈唔好點佢老母。我話我講真，有史為記。
關公在張遼游說之下，終於降漢不降曹。三國演義話曹操對關公寵愛有加，封了一個「漢壽亭侯」俾佢。其實搵關公老襯，壽亭侯等於現在區議員。漢朝那些有名無實的侯分四級：最高級是縣侯，跟著鎮侯，鄉侯，最後是亭侯。關公封號是壽亭這個地方一個候，大約等於灣仔區議員，老闆大娘話明白哂。大家亦應該明白，關公點解要離開曹操。有人話義氣，義氣幾多錢一斤。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
實搵關公老襯，