主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅收藏樓盤免費業主放盤業主刪除樓盤代理登入

樓盤收藏 | 免費業主放盤 | 業主刪除樓盤 | 代理登入 | ENG

主頁豪宅租/售豪宅成交一手豪宅豪宅市場消息豪宅論壇刊登廣告按揭計算印花稅

主頁 / 豪宅論壇 / 敢說亮話

瀏覽人次：30415 回應：26

茶餐廳亂話（583）連養和也裁員

2019年10月26日

湯文亮

紀惠集團行政總裁

　　昨日中午，茶餐廳老闆話炆了鮑魚，叫我去茶餐廳食晏。我去到之後，發覺客人明顯少了很多。老闆話附近醫院入院人數大幅減少一半，醫院探病的人都減少。在往日，不少人探完病都會在茶餐廳食午餐。少了這批客人，連茶餐廳的生意亦減少，可想而知香港飲食業正受到社運影響，逐步進入寒冬。政府的小恩小惠根本幫唔到任何界別，唯一要做的就是止暴制亂。否則，在失業率上升，生意難做的情況下，受影響的人有機會上街示威，隨時會和社運人士衝突，香港就會大亂。事實上有司機因生意減少，心情惡劣，出手傷害貼連儂場的人，結果被判監五個半月。由此可見，香港雖然有不少人在政治上有崇高理想，但亦有很多人要搵食，政府要小心失業率上升。

　　老闆的擔心不無道理，著名醫院養和也裁員，理由是入院人數大幅減少一半，有人問我養和的護士大約多少薪金。我曾經幾次入院驗身，大約知道多少，但不能夠說出來，與國泰空姐收入差不多。大家不得不提高警覺，如果連養和也裁員，這是從未發生過的事，代表香港經濟急速進入寒冬，大家小心。

上一則：

茶餐廳亂話（582）小恩小惠的救市措施

下一則：

茶餐廳亂話（584）買樓如食大閘蟹

更多...

我要回應

我的稱呼

回應 / 意見

驗証文字

回應 / 留言規則

禁止撰寫粗言穢語、誹謗、渲染色情暴力或人身攻擊的言論；
禁止以名稱/暱稱/綽號/同音字等批評或映射任何人士、機構、公司；
禁止發佈有關招聘、推銷、廣告等內容；
禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入

2. MT 2019-10-26 11:24:02

天作孽猶可恕自作孽不可活

3. 自我陶醉 2019-10-26 11:53:01

其實講咩都冇用行動最實際，好多人口就撐警，腳就離境。香港8月走資千幾億，九月走幾多到現在金管局都未敢公布，廢事嚇親大家。走咗嘅錢有排唔會返嚟，仲有大把人排緊隊開離岸戶口，裁員潮只係剛剛開始。

4. Fisherman 2019-10-26 11:53:07

介紹分筍工俾大家，長做長有。老人院護理員。

5. Y 2019-10-26 12:09:39

黄醫自毀招牌,政見行先,親疏有別,嚇壞同胞.

6. 望東樓 2019-10-26 12:17:24

陸客嚟依家香港打針係跌到近乎零。養和對面間XX鋪頭話生意跌咗三成。不過聽講養和嘅醫護人員都好黃，唔知佢哋會唔會繼續支持攬炒。

7. 望東樓 2019-10-26 12:36:04

三樓，個個話走資，查實何謂走資？

將港元存款轉存匯豐分行係咪走資？

港紙轉外幣係咪走資？

轉咗外幣再轉存外地先係走資？

買美股算唔算係走資？

除非老細指定，否則一般family office應該有一定數量資產已經係外地，短期睇唔到太大影響，不過中長線就可能大大鑊。

8. 自稱路人 2019-10-26 12:41:40

香港人應了北方人的一句說話 , 被窩裡放屁 , 自作自受 !

9. 自我陶醉 2019-10-26 13:15:21

傻傻哋！工冇咗可以搵過，法治同公義冇咗搵唔搵得返？全世界大把地方缺醫護人員，移民都有分加，你洗同佢哋擔心？

咩係走資？問下自己啲資產jurisdiction喺邊咪知囉！香港實施外匯管制，你都在全世界攞到外匯洗咪係走咗資囉！哈哈哈！

10. 引刀一快 2019-10-26 13:16:07

東樓兄

養和唔係對著馬場咩？

11. 引刀一快 2019-10-26 13:30:02

自我陶醉兄

今次我又唔完全同意你講法，公義幾時都有，不過依家全部寄存咗喺香港市民身上咁解啫，如果呢啲人走嗮，先至叫做大鑊。至於法治，係表面果層，依家睇怕係再深一層嘅問題，我記得以前有個長輩同我講，點解香港比澳門優勝？因為英國佬係偽君子，做起事嚟，再衰都

仲識得要面，葡國佬係海盜，話之你。

依家香港，連偽君子都冇埋，就係擺明衰過你睇，面都唔要，有乜唔可以發生？

12. 望東樓 2019-10-26 13:49:22

小刀，如果你係養和正門行到馬場，都有幾十米，不過果頭似乎係災區。

13. 引刀一快 2019-10-26 13:54:05

東樓兄

果一帶，我冇行廿幾年，以前喺天主教墳場瀨過嘢，可能今世都唔會行果一帶。

14. 望東樓 2019-10-26 13:55:28

小刀，現今政治取向似乎都係向做爛仔/唔要面嘅方向進發，唔淨只係香港，你睇下美國就知。

15. 引刀一快 2019-10-26 13:59:26

東樓兄

美國不嬲都係有牌爛仔，不過依家係俄國成吉思汗後人推動佢，所以又係爛出面，亂世臨近，自求多福。

16. 引刀一快 2019-10-26 14:00:59

四中全會，希望有正面消息出嚟喇。

17. To 6 樓 2019-10-26 14:06:43

正所謂求仁得仁，得錘得錘啊！

19. 人人健康 2019-10-26 18:01:42

人人健康最好，人人有工開最好

20. Hongkong People 2019-10-27 11:56:14

係有走資情況，我身邊有好多好多人上珠海中山買樓，一人走幾百萬都真係唔少。。。而家就走資，遲D連人都走埋，暴徒攬炒成功，香港真正變成民不聊生了！

21. 真真薯片 2019-10-28 10:48:09

護士同空姐人工差唔多？唔係下話？

22. 唔係下話？ 2019-10-28 11:05:38

大家做嘅野都差唔多

https://www.hk01.com/%E7%86%B1%E7%88%86%E8%A9%B1%E9%A1%8C/285832/%E8%83%96%E6%B4%8B%E6%BC%A2%E9%80%BC%E6%93%A6%E5%B1%81%E8%82%A1-%E9%95%B7%E6%A6%AE%E7%A9%BA%E5%A7%90%E5%B4%A9%E6%BD%B0%E8%A6%AA%E8%BF%B0%E7%97%9B%E8%8B%A6%E7%B6%93%E6%AD%B7-%E4%BB%96%E8%AA%AAdeeper

23. ND 2019-10-29 10:02:15

養和入院人數大幅減少一半, 即是養和有一半資源都是用來招呼國內人。事問如果香港本地人想幫親養和, 又點會因社運而吾去醫院。現在的情況只是回歸到未有太多國內人來港的時候而已。

24. 十一哥 2019-10-29 14:38:03

係咁倚呢排…正苦都審咗2百幾億出街、唔爭在審多少比私院、一舉兩得、扶助民間醫療工業發展、减輕公營醫療學師仔壓力…比班醫療學師仔多D時間上街關懷同志。

25. 黃老闆個仔仔 2019-10-29 15:14:17

是不是

祥興咖啡室？

26. 偉漸 2019-10-29 15:41:21

實體衰退，說明虛擬行業將上升

27. 殺蟲水 2019-10-29 23:50:38

美心,360,中資企業可以請失業人仕做賞金獵人,成功每捉一個暴徒可收一萬幾千,不一定用武力,可以跟踪錄影搜集証據之後警察拘捕,重賞之下必有勇夫,可以減低失業率

28. 望東樓 2019-10-30 19:40:28

我講嘅唔係食肆，祥興唔做夜市，影響有限，其他食肆就天堂與地獄共存。