今早天氣時晴時雨，跑步相當吃力，但仍然比香港政治環境為佳。現時香港政治環境是陰霾不定，唔知道幾時才可以見到太陽。跑完步去到茶餐廳，老闆憂心重重。佢話如果年輕人繼續搞落去，一定會搞跨香港，問我有冇計。我話有一計，叫釜底抽薪，就是炒了林鄭，滿足年輕人要求，事情立刻可以得到解決。老闆話我痴了線，我識得老闆十年，第一次聽到佢話我痴線。
老闆唔明白箇中原因，在我初做事的時候，有一個租客欠租，公司跟正常程序收樓，但當程序接近完成
的時候，租客突然交了一半欠租，並且要求我們放棄法律追討。我話唔可以，租客話向我老闆投訴，老闆問我有何解決辦法。佢又唔想租客走，又唔想放棄法律追討程序。我話很簡單，話我辦事不力，炒了我魷魚，符合租客要求，不過接手人要追討所有欠租及法律費用，老闆於是叫秘書打電話給那位租客。他知道之後，表示大家誤會，願意接受我與他傾妥的條件，我當然沒有被炒魷，否則今日就不是CEO，中央不用真的要炒林鄭，放吓聲氣就有效用。
