今早去到茶餐廳，水吧安哥話有個阿姨從國內到香港，想開一個銀行戶口，但整個社區的銀行分行都唔肯替佢阿姨開，就算茶餐廳老闆出馬都唔得。有銀行暗示，如果買一些金融產品就可以，後來亦話唔得。安哥問我有冇計。老實說，我根本唔識得佢阿姨，唔知道佢是不是國內經濟罪犯。如果介紹佢去開戶口，出了事我會很麻煩。不少銀行最初的時候都很容易可以開到戶口，但那些國內人士開了戶口之後，大量現金存入以及提走。銀行
家知道，這是漂白的過程，而過去亦有不少銀行亦為此被外國，尤其是美國佬罰了不少錢。所以，現在銀行內部都訓示，除非是絕對可靠，而且要有好的介紹人，否則一定不能夠開戶口。我有時亦不明白，國內人什麼也是微信支付，點解有咁多現金存入銀行？無形中話俾人知非奸則盜，唔係洗銀紙還是什麼。
其實，現在情況已經有所改善，但銀行為了保障自己，一定會問清問楚。如果未能清楚回答問題，銀行一定唔會開戶口，就算開了戶口，太多現金出入而又未能解釋，銀行一樣會取消戶口。戶口一但被取消，以後在香港再唔會有銀行會替那個客戶開戶口。安哥聽完我講之後，話唔敢做介紹人，因為連佢也不知道那位心姨做什麼工作。其實，介紹人入馬會比開戶口的風險更少。因為出事之後，馬會的介紹人沒有麻煩。如果那個開戶口的人失了蹤，介紹人就會很麻煩。所以，沒有必要，千祈唔好介紹其他人去銀行開戶口。
