茶餐廳亂話（480）VAR出錯亦是球賽的一部分

　　今早去到茶餐廳，老闆超興奮。唔使講一定是曼聯以創造歷史贏波兼晉級，在歐聯16強次回合作客巴黎聖日耳門，在首回合落後0比2，次回合竟然可以贏3比1，以作客入球優惠晉級。這是歐聯歷史上首次出現這個情況。不過，晉級對於曼聯來說當然非常好，但亦有人擔心現在曼聯傷兵滿營的情況下，要兼顧毆聯、英超、足總盃三條戰線，最後可能失去了英超前四位位置，明年不能參加歐聯，吸引不到有質素的球員加盟。其實，蘇B亦打算放棄歐聯，集中全力爭英超前四，所以派了不少年青球員上陣，但奈何將士用命，唔通叫他們放軟手腳。現在亦不能想太多，打一場算一場，任何事都有可能發生，話唔定可以奪得毆聯，又睇下咁艱難的事會不會發生。老闆是曼聯躉，就算曼聯不能夠奪得歐聯冠軍，但只要攞到英超前四，他一定會請食飯。

　　有熟客認為今次曼聯晉級，最大原因是VAR。如果沒有VAR，曼聯在補時階段就不會獲得12碼。其實，大家亦無謂爭拗，以前大家都會講球證犯錯是球賽的一部分，現在亦可以講VAR出錯是球賽的一部分。其實VAR沒有出錯，最多只能夠說球證判斷錯誤，搞咁多嘢最後的責任又回到球證身上，不如不要引入VAR，讓球證揹起全部責任就最好。VAR的作用只是判斷皮球是否出界，如果加添了人性元素，VAR就很難作出正確判斷，最後又要球證埋尾。