今日跑完步去到茶餐廳，因為唔需要趕回公司。所以，可以同老闆傾多幾句。在我們閒談的時候，竟然見到有人送盤桔到來，帶頭的人恭喜老闆生意興隆。有所謂恭喜發財，利是逗來，即是問老闆收小費，或者叫收陀地。不過，那人話隨老闆心意，多少都沒有問題，絕對不會騷擾老闆及茶餐廳。老闆照例封了幾百元利是給他，我同老闆講，現在還要俾陀地，如果唔俾，會不會被人拉出街打？老闆話絕對沒有這回事，俾與唔俾都唔會有人攪。不過，社團人士過年都要錢用，俾幾百元給他們當贊助。而且，俾陀地好似買旗籌款一樣，俾一個就可以。還有一件事，警方近年亦沒有叫市民不要俾陀地。不過，在今次有人收唔到陀地費之後打人，警方一定會加強執法，其他收陀地的社團人士今次被七子害死，有很多商戶即使在去年有俾陀地，今年亦堅決不俾。其實，七子有排驚，被人打的亦非善男信女，收埋其他陀地費都唔夠賠。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
地。不過，那人話隨老闆心意，