今早跑完步去到茶餐廳，老闆問點解我不用去參觀升旗禮。我反問點解我要去，我並不是達官貴人，沒有江湖地位，又沒有統戰價值，無謂浪費一個位子。跑下步，食個靚早餐，吹下水，優哉游哉，自得其樂，都不知幾好，老闆同意到不得了。
有熟客問我幾時可以買樓。其實幾時都可以，只要買樓的人覺得啱價而又負擔得起，現在也可以買。不過，莫買當頭跌，樓市剛起步下跌，所有影響樓市的負面因素還未出現，利息亦只不過加0.125%，理論上仲有得跌。不過亦不是不可以買，總有一些業主急於放售。如果覺得啱價就可以買，但有一件事要留意，就是要買比較優質的單位。如果現在買那些質劣，低層的單位，你將會是未來輸家，因為有很大可能。在過了一段時間之後，有人可以用更低價錢，買到更好樓層。老實說，現在最適宜做一些準備買樓的工作，將睇樓變成娛樂，他日就會發覺從娛樂之搵到大錢。
