今早去到茶餐廳，老闆話恭喜恭喜。第一個恭喜，聽聞我在外國記者協會的講座很成功。第二個是我在世界杯前預測法國奪冠又中左，但有一件事不明白，點解我唔繼續寫世界杯亂話？其實冇乜點解，世界杯已經曲終人散，繼續講已經失了時間性，睇的人不會太多，所以索性唔寫。不過唔需要幾耐，當歐洲各大聯賽開始，大家又會在馬會見到我講足球評論。老闆話咁奇怪，就是咁奇怪。
冇講茶餐廳亂話接近一個月，今早我才發覺老闆的茶餐廳左右不夠十個舖位分別開了兩間新的茶餐廳，生意都唔錯。今次連老闆都話他的生意受到影響，好似是自己舖位。當收少幾個月租，但影響較大的竟然是一些粥麵舖以及小菜館。因為茶餐廳包羅萬有，價錢又唔貴，新的茶餐廳搶走了那些民生食肆生意，老闆話都唔知道那些小店可以捱得幾耐。其實，茶餐廳好比鯰魚，生命力同繁殖力極強，但就會搶晒生態環境養份，令到其他魚類很難生存。茶餐廳雖然是香港特色，但太多亦絕非好事。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
會在馬會見到我講足球評論。老闆話咁奇怪，就是咁奇怪。