有俄羅斯租客請我到他家裡睇克羅地亞對俄羅斯，還有其他幾個俄羅斯租客。我見是半夜兩點才開波，本來唔想去，但是租客永遠是對的，於是買了兩枝靚伏特加，在開波之前兩小時已經到達。屋仔雖然細細，但氣氛就相當好，他們見我到來，立刻點播伏爾加河船伕曲。我當然唔識得唱俄語版，但我識得唱廣東話版本。
有俄羅斯租客話，今屆俄羅斯搞世界杯，不但搞得有聲有色，成績更是驕人。出線之後在十六強賽事淘
汰西班牙，今晚對克羅地亞，無論勝負都已經對國人有一個交代。不過，他們有一個遺憾，就是中國未能打入決賽週。否則的話，世界杯收入就會激增，因為當今購買力，捨中國人其誰。就算中國足球隊沒有打進決賽週，但仍然有不少球迷到俄羅斯捧場，仲俾其他國家的人取笑話你們中國也沒有打進世界杯。究竟到俄羅斯幹什麼？他們認為中國球迷應該霸氣回答，沒幹什麼，只不過到俄羅斯消費。我的俄羅斯租客話中國隊沒打進決賽是俄羅斯的遺憾，其實是中國人的遺憾。
比賽結束，戰果又變成俄羅斯租客的遺憾，他們猛話唔抵。其實，沒有所謂抵唔抵，上一仗他們同樣以十二碼淘汰西班牙，今次被克羅地亞淘汰，這就是足球。睇完波，再吹多一陣間水，不知東方已既白。
