今早跑完步去到茶餐廳，老闆竟然在舖頭。我以為去睇波睇到5點，佢話頂唔順，睇完兩場就收工。不過，有伙計招呼客人，老闆問今屆兩位球王C朗同美斯，應如何比較？我記得唐伯父在桃花庵中所說的一句話，一在平地一在天就最貼切。兩人同樣有射十二碼機會，C朗射入，令到葡萄牙可以迫和西班牙；美斯射失，令到阿根廷面對弱旅冰島都只是和波。雖然兩人所屬球隊都暫時得一分，但葡萄牙出線的機會大一些，
阿根廷餘下兩場比賽最少要一勝一和才可以出線。克羅地亞、尼日利亞都不易應付，反之葡萄牙餘下的兩場同樣要一勝一和，但機會就大得多。如果阿根廷不能出線，就不是一在平地一在天，美斯就會跌入谷底。歸根究底，他射失了一個十二碼。
如果阿根廷沒有美斯，葡萄牙沒有C朗，我相信阿根廷的實力比葡萄牙強大，分別是C朗有領導才能。這是美斯所欠缺的，踢足球不但講整體合作，還要講士氣。士氣低落即是形勢處於下風，阿根廷出線有危機。
