4年前經濟日報叫我寫巴西世界杯，我膽粗粗接了下來，並且在開始之前做了兩個預測。第一個是德國會奪得世界杯，第二個是西班牙會在分組出局。有這樣成績，經濟日報自不然再叫我寫今屆世界杯文章。今次
我識驚，除了電視台及報章評論員之外，這幾年新興了不少網站，有不少新晉的足球評論員冒了出來。我對編輯說，如果只是寫世界杯，我相信不會太多人睇，不如我講下波，講下樓，講下投資：一來可以藏拙；二來大家都冇咁悶。如果只是想睇世界杯，大把名家任君選擇，就唔好睇我的文章。
有俄羅斯籍足球教練問我，有沒有必勝方法。我沒有直接回答，匯豐銀行新任CEO范寧最近在香港搞了一個400人內務會議，以「重拾增長，創做價值」為專題，目的是開拓市場。范寧的要求很簡單，就是收入增長高於支出增長。如果能夠做到，匯豐不但不會有失敗的一天，而且會去到無限大。所以，任何國家隊教練不是不准球隊失波。不過要求入波增長高於失波增長，要是做得到的話，球隊一定贏波，但事實上是沒有可能，兩支球隊最多只能夠得一支可以做到。所以，兩支球隊一定要打餐死，今晚開鑼戰，俄羅斯對沙地阿拉伯。雖然俄羅斯只得地理人和，但我認為俄羅斯會贏波，戰果是2:0。至於那一隊會奪標，明天再講。
