今早去到茶餐廳，老闆話今次大件事，有報導說樂視被人清盤，星期四開始，隨時冇英超睇。我問老闆是用now 睇英超，抑或是用樂視盒子。如果用now，應該沒有問題，用樂視盒子就唔敢講。不過，我始終認為不會冇英超睇。香港人最鍾意做白武士，四叔同堅叔做了海航白武士，朱太做中環中心白武士。如果樂視有問題，now 就順理成章做白武士，更何況now 與樂視是合作夥伴。如果樂視不播英超，now 可能會受到無妄之災。老闆話咁都好d，現在英超入直路，雖然曼城可以攞梗冠軍，但二至四則由曼聯、利物浦、熱刺爭奪。如果現在才冇得睇，真的是好冇癮。老闆的心我明白，我話一定有得睇亦只不過安慰佢。不過，實話實說，英超好睇過世界杯。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
冇英超睇。香港人最鍾意做白武士，