今早雨勢頗密，唔去跑步，游完水之後去到茶餐廳，老闆講完三八婦女節快樂之後，隨即問我點解三月八日是婦女節，這個我真的不知道，我相信是與數字有關，如果一個人，最好去偷歡，獨自去偷歡，歌仔都有得唱，如果是兩個人，捉棋可以，博弈都得，最緊要實力相若，四個中國人最好打麻將，講到三個人，尤其是三個女人，最好就是坐埋一齊講人是非，一個講，兩個附和，大家都有發言權，都唔知幾開心，如果太多人反而唔好，所以我認為三八應該是數字，不是日子，但唔知點解，搞搞下就變成三月八日是婦女節，老闆話唔信，我自己都唔信，不過，既然問到我，求其講一些似是而非的解釋。
老闆話天寒地凍，今晚不如打邊爐，如果我參加，剛好有六個人，是好的打邊爐人數，人少選擇不多，人多食物搞到亂晒，六個人啱啱好，老闆仲話有一個馬來西亞朋友帶來神秘食材，咁樣講，我唔到都唔得，一於話今晚見。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
如果是兩個人，