茶餐廳亂話（109）唔打算賭錢，就千祈唔好入賭場

　　今早去到茶餐廳，感覺到氣氛很凝重，老闆話有一枱熟客正在籌旗，因為在早兩日母親節，他們一家人去澳門，飲飲食食之餘，阿媽話幾十歲人都未入過賭場，趁母親節入去睇下，入左去之後，見到那些贏錢的人好似好容易贏錢，於是玩幾手，阿媽唔知道，賭場是有鬼的，新手大多數非常幸運，令到賭錢的人唔捨得走，當他們決定唔離開，幸運之鬼便離開，那些一向唔賭錢的人，贏了錢都唔捨得走，輸了錢又怎會走，就算輸到清袋都唔緊要，可以撳機攞錢，戶口冇錢都唔緊要，有人會借錢給他們，利息或者會比平常高些少，不過，就要收取些少手續費，借錢的人早已賭到懵左，點會志在利息是多少，最緊要有錢借，他們認為幸運之神很快會重臨，如此這般，就欠下一身貴利，與放貸者的工作人員一起回港，在茶餐廳向其他親友籌旗，甚至叫老闆問我借，好彩老闆已經替我耍了他們，老闆同我講，如果銀行不加額給他們，那對夫婦只可以賣樓，我話，他們賣梗樓，銀行是不會借錢俾客戶賭錢，這是銀行的守則。

　　很多人都會犯與那對夫婦同樣的錯失，去到澳門百無聊賴，走入賭場睇下，他們並不知道，這是犯了大忌，如果唔打算賭錢，就千祈唔好入賭場，很容易在漫不經意的情況下輸身家，不過，我又唔會勸人不要入賭場，會被人誤會阻住他們發達，況且，就算阻得一時，都唔可以阻得一世，要賭錢的人，輸到夠就唔會賭。