我發了兩篇文講四個坡仔在機場亂彈香港食物，仲話佢哋隻狗都唔會食，昨日下午我去了一間茶餐廳飲咖啡，廚師行出嚟叫我唔好咁慶，佢話，星架坡食物，一間茶餐廳就可以KO星架坡，我話，咁勁，請試舉例以說明之。
海南雞飯
星架坡有先天性缺陷，沒有新鮮雞，就算文華酒店咖啡廳都不外如是，在香港，只要用上新鮮雞做，任何一間茶餐廳都比星架坡做得好，唔好忘記，在星架坡食海南雞飯要去專門店。
星洲炒米
在星架坡沒有星洲炒米，只有福建炒麵，炒貴刁（棵條），在香港，茶餐廳的午餐中有上述的食物，一定會比星架坡做得好，因為做午餐，一定要備足料，有好料自然會做得好。
肉骨茶
我真的不明白這種文化，一早食一碗白飯，一大碗肉骨茶，食完都眼瞓，在香港茶餐廳，沒有肉骨茶，不過有例湯，一般人都只是飲湯，唔會食湯渣，肉骨其實是湯渣。
星架坡人睇到一定唔like，但事實勝於雄辯，富貴未到第三代，都唔識得食，星架坡現在屬於第二代富貴，不過，亦只是政府富貴，私人欠債非常之高，星架坡真正美食，四個坡仔都未必知道，遲些少，我會話俾他們知。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
，佢話，星架坡食物，一間茶餐廳就可以KO星架坡，我話，咁勁，請試舉例以說明之。