以往有很多人，尤其是那些自以為對樓市有影響力的人，當他們賣走了惟一物業之後，就會主動搵傳媒話睇淡樓市，不但睇淡，更加身體力行，將惟一自住單位都賣走，若非睇通睇透，又點會這樣做，他們咁講又身體力行，對樓市非常樂觀的人都唔敢話他們錯，最多就會話大家見解不同，有人睇好，亦有人睇淡，而事實證明，在過去幾年睇淡的人大多數損失慘重，所以，現在就算有人睇淡賣樓，都只會話因為要換樓，銀行做唔到足額按揭，所以要賣樓，並非睇淡樓市。亦有人會話，賣樓是逢三退一，在樓市暢旺時賣走手上最差單位，投資策略而已。
有不少人睇好樓市但又要賣樓，或者應該叫被賣樓，就是那些將物業按在財務公司，逾期沒有還款的人，物業被財務公司沒收，變成銀主盤被出售，那些人就不會說什麼，甚至連罵財務公司都不會，只會苦笑，其實，若非行到最後一步，都唔會將惟一自住單位賣走，話睇淡樓市，藉口而已。
