很久沒有去旅行，上一次已經是去年底，到馬來西亞與李宗偉打羽毛球，當時我仲同李宗偉講，如果他得到了奧運金牌，在里奧之後，我便可以同人講，曾經與今屆的奧運男女羽毛球冠軍打過波，非常可惜，西班牙瑪蓮就攞了女子單打冠軍，而李宗偉只差一步，過到林丹過唔到諶龍。
今次是泰國政府邀請，目的地當然是泰國，名副其實的Thailand Walk，今次本來想唔去，因為太匆忙，在星期四早上出發，星期六下午回來，晚上有飲宴，星期日下午要替中銀做一個講座，地點在會議中心，有千多個觀眾，一定要準備充足，但難推泰國政府盛情，而在泰國的行程亦十分豐富，想唔去都唔得，可以的話，我每日都會講今次Thailand Walk花絮，明天起行。
