人民幣貶值，王弼去年的最佳預測

　　王弼先生是何許人，點解在演講台上有五個人，偏偏要窒王弼，原來，王弼是今年獅子山學會主席，專長奧地利經濟學，副專長奧匈帝國的匈牙利經濟學，如果唔湊效，就會凶吓你，死未。

　　去年，有很多人話我的「細價樓爆煲論」預測準確，其實，如果與王弼的「人民幣貶值論」相比，簡直是小巫見大巫，而貶值論簡直是凶吓你經濟學經典之作，王弼在六月初發表，我在六月中被邀請與銀行家午膳，對方是外資銀行總行的主席及CEO，我知道會無好會，但我銘記王弼的貶值論，於是我扮英語水平不佳，未能明白對方的要求，最後，大家同意日後由雙方CFO跟進，我心想，日後俾個官你做，於是我甩難，如果我沒有聽過王弼的「人民幣貶值論」，一定會買一些人民幣Accumulator，我有機會輸十五億元，可想而知，貶值論比爆煲論不知強多少倍，但很可惜，王弼是學者，唔似我咁厚顏無恥，到處宣揚爆煲論，如果他肯，話唔定有更多人逃離災場，或者，有人為此懷恨在心，趁機窒吓佢。

　　爆煲論與貶值論有一個共通點，就是扭轉形勢，老實說，的確唔易做，叫我預測多一次都唔會，唔想衰收尾，王弼就唔同，佢不怕強權，未來有更多出位文章，這純粹是我的幻想。