反佔中（88）鳩嗚，只不過是悲鳴躑躅而已

　　正當我想停止寫反佔中的時候，有旺角做生意的老友打電話給我，說那些鳩嗚人士令到他很煩腦，想搵我飲啤酒解悶，我老友可能唔知道我已經好耐冇飲啤酒，近日天寒地凍，飲熱花雕酒都唔錯，幾個涼菜，一個上海暖窩，幾個老友飲酒吹水，世間開心的事，莫過於此，有時候，我見到一些人隻影形單，朋友都唔多幾個，相當可憐，亦有老友同我講，你成日埋單，梗多老友，絕對唔係，我成日都唔使埋單，好似網站行山兵團，我就從來沒有埋過一次單，做朋友，最緊要關心人，你關心人，自然有人關心你，同樣，你得罪人，自然亦會有人得罪你。

　　我老友飲咗幾杯花雕，心情稍為好轉，但一提到那些鳩嗚人士，立刻又火滾，我對他說，那些鳩嗚人士，只不過是佔中集團的殘餘分子，在旺角通街行鳩嗚，又笑又叫，就好似歐陽修在「祭石曼英文」所說，「與夫驚禽駭獸，悲鳴躑躅而咿嚶」，就算佔中集團如何龐大，現在都已經到了最後日子，或者，這叫做垂死掙扎，不應該太擔心，反而那些鳩嗚人士，在鏡頭前曝光，以後就會有回報，現在警方對付那些鳩嗚人士，是要登記他們的身份證，這樣，他們就必須除下口罩，我知道有很多鳩嗚人士，當時就理直氣壯，現在就識驚，如果工作與政府有關，或者是領取綜援的人，很有可能被政府剔出僱用名單外，就好似有一位女性鳩嗚人士，在政府工作，兼職輔警，現在都唔知道點樣收科，佢話唔驚都是呃人，攞綜援的就更慘，一定會被諸多留難，而事實上現在攞綜援太易，又可以打薄，太多空餘時間，所以，有人做吓鳩嗚散工，以後就比較困難。

　　有教友對朱牧師說他們已經為聖誕節報佳音準備了很久，但那些鳩嗚人士揚言騷擾報佳音的人，令到有很多詩歌班都取消報佳音，他們應該如何，報抑或唔報，朱牧師的回答是為他們祈禱，其實，朱牧師現在很煩，各位教友請不要騷擾他，報佳音事小，現在朱牧師不知怎樣向教會解釋佔中事件，因為，佔中令教會與政府關係轉壞，以後，朱牧師在教會內一定會受盡冷眼，有老友認為朱牧師應該犧牲小我，主動與教會脫離關係，讓教會與政府修補裂痕，其實，我老友的提議又未嘗不是一個辦法，不過，搞佔中的人只會犧牲別人，不會犠牲自己，從他們叫學生哥去送死，而自己的子女就吩咐他們遠離佔領區，無謂唔覺意做出激烈行動，連回鄉証都冇埋，咁就大件事，至於那些被註銷回鄉証的學生哥，他們是別人的子女，應該由他們的父母擔心。