皇馬在美國一項友誼盃賽事，先後負給國際米蘭及羅馬。有球評家歸咎C朗、賓施馬等前鋒尚未歸隊，以重劍無鋒來形容現時皇馬，即是說皇馬現時無前鋒可用。其實，那位球評家可能誤解重劍無鋒這句話，大致意思應該是重劍又何需鋒利。皇馬不單只C朗、賓施馬，其餘亦都是粒粒皆星，就算沒有他們兩人，亦不能夠是輸波藉口，何況賓施馬亦不過是後備。
有人唔明白，點解皇馬粒粒皆星都唔可以狂數對手，咁樣，要那些星星何用，不如丟咗去，其實，星多亦未必好，好似香港為了打擊樓宇而出招，不但3招盡出，又收緊樓揭，樓價仍然沒有被壓下來，這就是重劍無鋒，無可否認，政府出招，招招攞命，但招與招之間又可能抵銷了某些效果，SSD收緊供應量，沒有供量，樓價又如何不升，BSD、DSD提高買樓印花稅，市民知道賣走物業很難再回購，即是賣咗買唔返，所以，如果沒有巨額利潤，小業主都不會賣樓。
與此同時，金管局又收緊樓宇按揭，小業主就算賣走物業的時間有巨額利潤可以彌補再買樓的BSD、DSD，不過，他們買樓的時候可能要多付首期，並且會損失以往按揭優惠，最後算來算去，都只是得個桔。試問，精明的小業主點會賣樓？政府的辣招若果以獨立來看，其實招招都會發生威力，可以穩定樓市。不過，全部一起要出來，就會減弱其效力，變成重劍無鋒，樓市最近表現已經反映出這種情況，不過，政府還未察覺而已。
