世界杯究竟好唔好睇

　　下星期世界杯開鑼，有人話要捱通宵睇波，我覺得很奇怪，若果講到用捱，就不要睇，因為總場數有64場，若果要捱，我想睇完今次世界杯，變成以後討厭足球，我記得有套戲叫「發條橙」，講男主角鍾意女人，其它人便日日夜夜給他女人，到最後，他反而討厭女人，所以，睇世界杯，揀幾場好波睇就算，眼瞓就唔好睇，不過，就算是如此，都唔好祈望太高，唔會太好睇，就好似政府樓，幾時會起得好過私人樓，唔短椿已經偷笑，世界杯，點會有歐聯或者四大聯賽咁好睇，大家認為好睇只不過是四年一次而已。
        
　　最近政府有幾個私人豪宅出售，那些都是公務員宿舍，但因為太多公務員選擇自己買樓代替房屋津貼，政府現在要出售那些豪宅宿舍，今次雖然只得五個單位，但超額認購亦接近十倍，但我預料，就算那些宿舍是豪宅，但亦不會賣得好價錢，因為政府在買那些豪宅的時候，是以價錢低為首要條件，所以，大部份都是在低層，方向及景觀都不什好，當日入貨價平，今日自不然賣不到高價，同樣情況，政府所建的房屋亦難與地產商相比，由此可見，世界杯的可觀性始終難及超級聯賽，因為那些超級球會在組織球隊的時候可以從世界各國找最合適人選，但是國家隊就不同，強如巴西亦不可能11個位置都是頂級球員，巴西最弱的位置當然是守門員，我記得巴西曾經口頭邀請香港大馬守門員仇志強入藉巴西，用以強化守門的位置，大家千祈唔好覺得奇怪，在巴西，大把中國人，包括我外婆在內，今次在巴西打世界杯，我會講多一些關於巴西的人物，習俗，若果唔夠，買份經濟日報睇我的世界杯專欄「以波論樓」。