茶餐廳手記（#1144）十年後樓價會不會升三成

　　今日早上去到茶餐廳，有客人話打算買樓，但身邊的人雖然大多數已經有樓，但仍然睇唔好樓市，叫佢睇定啲，而且連地產界都睇唔好樓市，只是話樓市明年保持平穩，而事實上保持平穩只是地產界的願望，唔通話樓市下跌，所以，暫時唔應該買樓，等樓市再跌多少少才決定。

　　老闆話見過有不少客人，都是未能把握時機買樓，最後錯失良機，後悔莫及，買樓並不是睇樓市明年會不會上升，而是睇十年後會不會上升，如果有三成升幅，而物業收益每年有3%的話，即是在這十年間，物業為業主提供6%回報，比十年美債息還要好，所以，現在買樓仍然是唔錯選擇。

　　其實，唔單止要睇十年後，仲要睇十年前，如果現在樓價比較升了五成甚至更多，再升三成的機會不但不大，甚至會下跌，現在的樓價比十年前平均升了一成，所以，在十年後上升三成的機會很大，不過，亦只不過是機會很大，並不一定會升三成，這個世界冇必然道理。

　　有人唔同意話，世事如棋局局新，睇十年後樓價，點可以攞十年前的樓價來講，其實，好似賭大小一樣，本來十點或以下是小，十一點或以上是大，莊家見開了很多鋪小，於是改為九點或以下是小，十點或以上是大，開小的機會仍然有，但已經大為減少，就算唔係賭仔都知道點賭，樓價只比十年前升了一成，未來十年上升的機會就比較大。